මගේ ග්‍රහයා නරක් වුණා - තිස්ස

1289 Views

My Planets gone Wrong - Thissa Attanayaka

"පසුගිය ආණ්‌ඩුවට එක්‌වීමට ගත් තීරණය ගැන මා අද දුක්‌ වෙනවා. නරක ග්‍රහ බලපෑමක්‌ නිසා එහෙම සිදු වෙන්න ඇතැයි විශ්වාස කරනවා" යැයි එජාප හිටපු මහ ලේකම් තිස්‌ස අත්තනායක මහතා දිවයින පුවත්පත ඊයේ (25 දා) කළ විමසුමකට පිළිතුරු දෙමින් සඳහන් කර ඇති අතර අත්තනායක මහතා තවදුරටත් තමන් එජාප මන්ත්‍රීවරයකු ලෙස කටයුතු කරන බව ත් පවසයි.
ජනාධිපතිවරණයෙන් පසු තමා හදිසියේම සිංගප්පූරුවට ගොස්‌ පැමිණි බවත්, ඒ ගමන ගැනද ඇතැම් පුද්ගලයන් ජනතාව නොමඟ යවන ආකාරයේ ප්‍රකාශ සිදු කර ඇති බවත් හෙතෙම කීය.

මෙහිදී දිවයින නැගුව ප්‍රශ්න කිහිපයක්‌ සහ අත්තනායක මහතා ලබාදුන් පිළිතුරු මෙසේය.

ප්‍රශ්නය - ඔබ කාලාන්තරයක්‌ තිස්‌සේ එක්‌සත් ජාතික පක්‍ෂයේ ඉඳලා ඇයි මේ වගේ තීරණයක්‌ ගත්තේ...?

පිළිතුර - මම ජ්‍යෙතිෂය විශ්වාස කරන්නේ නැහැ. ඒත් මම හිතනවා මට නරක ග්‍රහයෙක්‌ ලබන්නට ඇති.

ප්‍රශ්නය - ඔබ එජාපය අත් නොහැර හිටියා නම් අද ප්‍රබල ඇමැතිවරයෙක්‌ වෙන්න තිබුණා.

පිළිතුර - ඒ ගැන මට හරියට කනගාටුයි. ඒත් ඉදිරියේ දී ගන්නා ක්‍රියා මාර්ග ඔබට කියන්නම්.

ප්‍රශ්නය - ඔබ දේශපාලනය අත්හරිනවාද?

පිළිතුර - අපොයි නැහැ.

අහසේ ග්‍රහයන් ගැන තිස්ස අත්තනායක මෙසේ පැවැසූවද ඔහුට මේ ඉරණම අත්වූයේ ඔහු වටා කැරකැවුනු නීච දේශපාලන ග්‍රහයන් නිසා බව පැහැදිලි සත්‍යයයි. විශේෂයෙන්ම ඔහුව මුලා කළ ප්‍රබල ග්‍රහයෙයෙකි, මව්බිම මුදලාලි ටිරාන් අලස්.

---------------------------------------------------------

©2014 365gossiplanka	Email : info@365gossiplanka.com
Advertising - Contact Here	Editor - Contact Here
All the content on this website is copyright protected.